دموعي نزلت پقهر….. حرام عليك.. منك لله يا يوسف انا بكرهك وكرهت نفسي اني حبييت واحد زيييك….
لقيته جاي ناحيتي غمضت عيوني پخوف… ثواني.. محستش بحاجه.. فتحت عيني… لقيت المغرور اقصد حمزه ماسك ايده
حمزه بعصبيه…… انت عارف الي بيمد ايده على ستات بيبقى عنده نقص رجوله
يوسف…. انت مالك مراتي وبربيها
رديت بسرعه والدموع مغرقه وشي….. كذاب انت كذاب انا مش مراتك…قال مراتك قال..
بس فجأه سكت پصدمه اما لقيت حمزه بيقول….. مراتك ازاي وهي متجوزه
برقت پخوف ….. متجوزه.. مين انا.. مش فاهمه
حمزه ببرود…. يوسف ابعد عن مراتي
يوسف پصدمه….. انت اتجوزت كابر!
حمزه لفت اسمه اوي وشرد فيه وبينطقه ببطئ…. كـ كابر
يوسف پغضب… ماشي مبروووك ومشا وهو متعصب
حمزه طلع فونه….. ابعتلي مأذون على القسم حالا
خوفت وقولت پصدمه….. مأذون مأذون ليه انت صدقت ولا اي يا عم خلاص شكرا لوقوفك جنبي ولسا راحه امشي
حمزه وهو بيقلد صوتي….. حرام عليك دا هيجوزوني راجل كبير قد ابويا… هو دا الي قد ابوك
نزلت راسي ودموعي نزلت….. اصعب… عارف يعني ايه حب سنتين ويطلع متجوز ومعاه اطفال.. انت مش عارف انا حاسه بأيه احساس وحش قوي.. الخداع وحش اوي.. انا مجروحه اوي قلبي اتكسر.. ياريتني ما قابلته ولا حبيته
_خلاص اهدي
ماتقوليش اهدي انت شايفني يعني بشد في شعري هاا
رفع حاجبه باستنكار….
لسا هرد الباب وخبط ودخل المأذون وكام شخص وبابا معاهم….
لقيت بابا جاي ناحيتي….. حقك عليا يا بنتي.. عارف اني غلط في حقك بس كل دا في مصلحتك.. كلام الناس صعب يا بنتي يعني الجوازة تتفركش قبل الفرح بساعات ليه… افهميني
عيطت ….. فهماك يا بابا بس دا اسلوب تفكير غلط احنا مالنا بالناس… خلاص يا بابا الي حصل حصل.. مسحت دموعه
حمزه بهدوء…. يالا
بارك الله لكما وبارك عليكما وجمع بينكم في خير
فوقت من شرودي على جمله المأذون
ودعت بابا وانا حرفيا هموت من الخوف والتفكير مش مصدقه كل الي بيحصل دا ميخطرش على بال..
ادخلي يا عروسة قالها حمزه بسخريه
تجاهلت سخريته ولسا هكلمه لقيتيه بيقول…..
بصي بقا يا بنت الناس الاوضه الي هناك دي اوضتك ملكيش دعوه بحياتي ماش.. وبلاش اسأله كتير واه اهم حاجه مش عايز زن كتير واعرفي ان جوازنا مؤقت ماش
غمضت عيوني عشان امنع دموعي تنزل واخدت نفس…. وقلت بنفس نبرته…. دا نفس الي كنت هقولهولك بالظبط يا حضرت الظابط وسيبته وجريت على الاوضه الي شاور عليها
قفلت الباب وقعدت وراه وهنا سمحت لدموعي تنزل خلاص مش قادره اتحكم فيهم….. وانت كمان… ده انا كنت هقول نعطي لبعض فرص… انت كمان جرجرتني… حرااام عليكم…. انا خلاص معتش قااادره
قومت دخلت الحمام واخدت شاور وحمدت ربنا اني كنت لابسه بجامه قصيره تحت الفستان… كانت شورت وبلوزه حمالات رفيعه وسيبت شعري
وقعدت افتكر الي حصلي من تاني…. طلع متجوز ازاي كل دا كان كدب وحتي التاني دا كمان كسرني ورفضني وقال انه جواز مؤقت ااااه يا مامااا تعالي خوديني الدنيا مؤذيه اوي
فجأه الباب خبط.. مسحت دموعي حاولت اخرج صوتي على قد ما اقدر طبيعي…. مين
انا نااازل عندك الاكل برا على السفره
استنى وقفت كلمته من ورا الباب … هو هو مافيش هنا اسدال او اي حاجه طويله
الاوضه الي جنبك فيها اسدال متعلق ورا الباب ومشا
خرجت وجريت على الاكل بسرعه…. بصراحه كنت ميتة من الجوع
فجأه سمعت صوت ضحك.. سيبت الاكل لقيته واقف ورايا وبيضحك على شكلي.. ابتسمت على ضحكته بس فجأه لقيته بيبصلي جامد اما وقفت….. صرخت بكسوف من لبسي….. انت بتبص على ايه يا قليل الادب
بت انت لمي لسااانك انا جيت بس انبهك متعتبيش ناحيت الاوضه الي بابها وردي هناك دي.. انا حظرتك اهو
هزيت راسي پخوف من نظراته… لبس نظارته واخد مفاتيحه وخرج
خلصت اكل وغسلت الاطباق.. كانت الشقه جميله اوي.. ومرتبه ونضيفه.. مش شقه شاب عازب ابدا
زهقت وفتحت التليفزيون والوقت اتأخر.. بس كل شويه ابص على الاوضه الي لونها بينك… فضولي كان هيموتني واشوفها… الشقه كلها لونها بين الاسود والابيض والرمادي ماعدا الاوضه دي.
خلاص مش قادره هروح اشوفها بسرعه ولا من شاف ولا من دري
دخلت.. كانت جميله اوي بطابع طفولي ولونها بينك في ابيض فجأه لقيت صور كتير على الحيطه… فجأه صرخت پصدمه من الي كان على الحيطه……
عااااااا اي داااااا
كانت الحيطه مليانه صور ليا في كل اوضاعي.. وانا بضحك.. ببكي.. حزينه
والغريب ان فيهم صور ليا من زمان من وانا صغيره لحد الوقت
لسا راحه امسح صوره ليا كانت مرسومه بالرصاص… فجأه سمعت صوته ورايا كانت نبره صوته عاليه وعصبيه…. انتيي بتعملييي اي هناااااا مش اناااااامنبه علييكي متجيييش ناحييه الاوضه دي صح ولااااا لاااااء
قلبي وقع في رجلي من الخوف لدرجه مكنتش عندي الجرأه الف ابصله فضلت واقفه مكاني ومغمضه عيني .. ثواني وحسيت بلمسه ايده على ايدي اتنفضت وحسيت كإن في كهربا لمستني…
ف اي مالك اهدي.. خايفه ليه
كده اهدي…
مردتش عليه وقعدت اعيط كنت خايفه اوي من نبره صوته كانت قويه وعاليه اوي وانا بخاف اوي من الصوت العالي…
اهدي بقا لسا متغيرتيش بردو لسا بتخافي من الصوت العالي..
مسحت دموعي.. وبصتله جامد…. ااانت انت عرفت ازاي اني بخاف من الصوت العالي
بعد خطوه لورا وحط ايده في جيبه…. معقوله لحد الوقت مش فكراني.. وفجأه لقيته شاور على صوره صغيره على المكتب.. برقت پصدمه .. م ممستحيل ااازاي لا لا.. قام مطلع سلسله من رقبته كان مخبيها في التشيرت
